04 sen 2025 - 06 sen 2025

ITE HCMC 2025

Cənubi Asiya

Vyetnam

ITE HCMC 2025

4-6 sentyabr tarixlərində Vyetnamın Ho Şi Min şəhərində keçiriləcək 19-cu Beynəlxalq Turizm Sərgisi – ITE HCMC 2025 sərgisinə qeydiyyatın başlandığını elan edirik. 

ITE HCMC Asiyanın aparıcı turizm və səyahət tədbirlərindən biri kimi tanınır və Vyetnam ilə beynəlxalq turizm bazarı arasında əməkdaşlığın gücləndirilməsi üçün mühüm platforma rolunu oynayır. 2024-cü ilin “World MICE Awards” mükafatında Asiyanın Ən Yaxşı Sərgisi adına layiq görülmüş bu tədbir hər il miqyasını və təsir dairəsini daha da genişləndirir. 

ITE HCMC 2025 sərgisində 30-dan çox ölkə və ərazidən 520-dən çox iştirakçı şirkətin, 240 yüksək səviyyəli alıcının və 28,000-dən artıq turizm sahəsi üzrə peşəkar ziyarətçinin iştirakı gözlənilir. 

Üç gün ərzində keçiriləcək bu sərgi, yeni istiqamətlərin təqdimatı, səyahət trendlərinin araşdırılması, strateji tərəfdaşlıqların qurulması və brendin Asiya və daha geniş regionda tanıdılması üçün dəyərli imkanlar yaradacaq. 

İştirak haqqı: 1500 AZN (ƏDV daxil deyil) 

İştirak haqqı şirkətdən 2 nəfər üçün nəzərdə tutulub. 

Qeyd: Səyahət və yaşayış xərcləri iştirakçı şirkət tərəfindən qarşılanır. 

Qeydiyyatdan keçmək iştirakın təsdiqi anlamına gəlmir. Qeydiyyat müddəti başa çatdıqdan sonra müraciətlər qiymətləndiriləcək və seçilmiş şirkətlərə yazılı təsdiq məktubu göndəriləcəkdir. 

Son qeydiyyat tarixi: 28 iyul, 2025-ci il 

Əlavə məlumat üçün:  
[email protected] 

[email protected]  

Dostlarınla paylaş

Oxşar tədbirlər