hotellərin ulduz kateqoriyaları

“Turizm haqqında” Azərbaycan Respublikası Qanununun 1.1.21-ci bəndinə əsasən

• Vahid qəbul-qeydiyyat bölməsi olmalı
• Qonaqlar üçün sanitar qovşağa malik otaqlarda yerləşmə xidməti olmalı
• Nömrə fondunun tutumu azı 11 (on bir) olmalı
• Gündə ən azı bir dəfə qidalanma və digər əlavə xidmətlər göstərilməlidir.

Qeyd: mehmanxana, binası daxilində qidalanma xidməti təklif edən restoranlar ilə qarşılıqlı əməkdaşlıq müqaviləsinin olması şərti ilə mehmanxana (hotel) xidməti göstərə bilər.

•    “Sifariş forması”  (imzalı) 
•    VÖEN surəti
•    Mehmanxana rəhbərinin səlahiyyətini təsdiq edən sənədin surəti
•    Səlahiyyət ötürüldüyü halda, ötürülmə ilə bağlı sənəd (əgər varsa)
•    Rekvizitlər forması

•    Sifarişçi ilə müqavilə imzalanır və ödəniş təmin edilir.
•    MUKSO hotel nümayəndəsi ilə əlaqə yaradaraq audit tarixi müəyyən edir.
•    Audit tarixi MUKSO rəhbəri tərəfindən təsdiqlənir və mehmanxanaya bu barədə məlumat çatdırılır.
•    Auditə ən azı 3 gün qalmış ekspert-auditorlar tərəfindən şikayətlərə baxılır və "TrustYou" platformasından rəylər yoxlanılır.
•    Audit qərarına uyğun olaraq və Dövlət Turizm Agentliyinin 2 may 2023-cü il tarixli Kollegiya Qərarı ilə təsdiq edilmiş “Mehmanxanaların (hotellərin) ulduz kateqoriyaları üzrə qiymətləndirmə meyarları” əsasında qiymətləndirmə aparılır və hesabat hazırlanır.
•    Audit hesabatı  MUKSO-nun Qiymətləndirmə və qərarvermə komissiyasına təqdim edilir.

•    Qiymətləndirmə və qərarvermə komissiyası audit hesabatlarını və digər sübutları nəzərdən keçirir.
•    Qiymətləndirmə və qərarvermə komissiyası (QK) iclaslarında alınan qərarlar protokol əsasında təsdiqlənir və 3 gün ərzində mehmanxananın elektron poçt ünvanına göndərilir.
•    Qərarla razı olmayan mehmanxana qərar təqdim edildiyi tarixdən etibarən 15 gün ərzində “Apellyasiya Müraciəti” Forması vasitəsilə apellyasiya şikayəti vermə hüququna malikdir.
•    Müəyyən edilmiş müddətdən sonra daxil olan müraciətlər qəbul edilmir və bu barədə müraciət edən mehmanxanaya məlumat verilir.
•    Apellyasiya müraciətləri MUKSO-nun müvafiq standarta uyğun olaraq təsdiq edilən “Apellyasiyalar” Proseduru” ilə tənzimlənir.

• Qərarın göndərilməsindən 15 gün (apellyasiya dövrü) keçdikdən sonra mehmanxanaya Ulduz Kateqoriyası Sertifikatı və “ulduz nişanı” (lövhəsi) təqdim edilir.
• Sertifikat və nişan 3 il müddətinə qüvvədədir (ildə 1 dəfə inspeksiya nəzarətinin aparılması şərti ilə).
• Mehmanxanalar sertifikatın qüvvədə olma bitmə tarixindən 2 ay əvvəl yenidən sertifikatlaşdırılma üçün müraciət etməlidir.

• Mehmanxana ulduz dərəcəsinə təsir göstərə biləcək yenidənqurma, təmir-bərpa, yeni avadanlıqların alınması və digər dəyişikliklər olduqda təkrar audit üçün müraciət edə bilər.
• Təkrar audit üçün müraciətlər yalnız əvvəlki ulduz dərəcəsinin verilməsindən ən azı 6 ay keçdikdən və illik sertifikat haqqı ödənildikdən sonra qəbul edilir.
• Təkrar audit xidmət haqqı 700 AZN (ƏDV xaric) təşkil edir və audit yalnız ödəniş təmin edildikdən sonra həyata keçirilir.
• Təkrar auditin aparılması, ulduz sertifikatının ləğvi barədə qərar istisna olmaqla, mehmanxanaya təqdim edilmiş ulduz dərəcəsinin 3 illik qüvvədəolma müddətinə təsir göstərmir.

Təkrar auditə dair müraciətlər MUKSO-nun rəsmi e-poçt ünvanına ([email protected]) göndərilməlidir.

1.    “Sifariş” forması
2.    “Şikayətlər” Proseduru
3.    “Apellyasiyalar” Proseduru
4.    “Loqotipdən istifadə” Proseduru 
5.    Qərəzsizlik Bəyannaməsi 
6.    Keyfiyyət Sahəsində Siyasət 
7.    “Apellyasiya Müraciəti” Forması
8.    Tarif cədvəli (Əmri)
9.    Rekvizitlər forması