Turizm Bələdçilərinin

Sertifikatlaşdırılması Orqanı

turizm bələdçilərinin

sertifikatlaşdırılması orqanı

Azərbaycan Turizm Bürosunun Turizm bələdçilərinin sertifikatlaşdırılması orqanı (bundan sonra – TBSO)  AZS 730 – 2008 “Turizm xidmətləri. Peşəkar turist bələdçisi üçün təlim və ixtisasartırma proqramlarının təşkilinə dair tələblər” və ISO/IEC 17024 – 2014 "Uyğunluğun qiymətləndirilməsi. Heyətin sertifikatlaşdırılmasını həyata keçirən orqanlara ümumi tələblər” standartları əsasında turizm bələdçilərinin sertifikatlaşdırılması fəaliyyəti göstərir.

Azərbaycan dilini mükəmməl bilən, bələdçilik texnikasına malik, həmçinin, turizm nümayiş obyektləri haqqında nəzəri biliklərə malik şəxslər turizm bələdçisi olaraq, TBSO tərəfindən sertifikatlaşdırıla bilər.

Tələb olunan sənədlər:

  • Əcnəbi dil üzrə bələdçilik fəaliyyəti ilə məşğuldursa, dil biliyini təsdiq edən sənəd;
  • İş təcrübəsi olduğu halda, onu təsdiq edən sənədlər (Tövsiyə məktubları və ya VÖEN məlumatları);
  • Namizədin narkoloji və ruhi-əsəb dispanserlərindən qeydiyyatda olmaması barədə sənəd;
  • Namizədin tərcümeyi halı.

Tələb olunan bacarıqlar:

  • Uzun müddət yerimək və ayaq üstə qalmaq üçün fiziki hazırlıq və qonaqlar tərəfindən aydın eşidilmək üçün modulyasiya edilmiş səs;
  • Tur çərçivəsində müəyyən olunmuş təhlükəsizlik normalarına riayət etmə bacarığı;
  • Yaxşı şifahi ifadəetmə və təqdimat bacarığı;
  • Müxtəlif mühitlərdən gələn ziyarətçilərlə düzgün kommunikasiya qabiliyyəti;
  • Komandada çalışmaq bacarığı;
  • Vaxtın düzgün idarəedilməsi və təşkilatlanma bacarığı;
  • Qrupun idarə edilməsi bacarığı;
  • Ilkin tibbi yardım bacarığı.

Tələb olunan nəzəri biliklər üçün ədəbiyyat mənbələri:

Mövzular və mənbələr

Praktiki qiymətləndirmə Bakı və Abşeron ərzisini əhata edir.

qiymətləndirmə prosesi

Hörmətli Bələdçilər,

Sertifikatlaşdırma prosesi bələdçinin nəzəri və praktiki biliklərinin qiymətləndirilməsi və bələdçilik sertifikatının verilməsini əhatə edir.

TBSO namizədə imtahanının keçiriləcəyi tarixi, ünvanı və digər məlumatları göndərir. Beləliklə, namizədin qiymətləndirmə prosesi başlayır.

Qiymətləndirmə prosesi 2 mərhələdən ibarətdir.

1-ci mərhələ: Şifahi qiymətləndirmə -  Bu mərhələ Qiymətləndirmə Komissiyasının 3 üzvü tərəfindən şifahi müsahibə formasında aparılır. Namizəd əvvəlcə xarici dilin yoxlanılması üçün şifahi danışıq imtahanına daxil olur (ingilis və rus dillərindən başqa xarici dili olan bələdçilər). Bu müsabiqə 20 dəqiqə ərzində keçirilir və ekspert əsasən namizədin xarici dildə danışıq səviyyəsinin yetərli olub/olmamasını yoxlayır. Xarici dil biliyi ingilis və rus dilində olan bələdçilərdən isə Qiymətləndirmə Komissiyasının 2 üzvü tərəfindən, müvafiq dil biliyinə əsasən (ingilis / rus) həmin dildə (bələdçilik terminologiyası və s. biliklər)  və azərbaycan dilində müabiqə keçirilir. Daha sonra namizəd öncədən ona təqdim edilən ədəbiyyat mənbələri və mövzuları əsasında hazırlanmış biletlərdən 1-ni seçir (Namizədin bir dəfə bileti dəyişmək imkanı vardır ki, bu da onun ümumi balından 1 xalın silinməsi deməkdir). Hər bilet 5 açıq sualdan ibarətdir və hazırlıq üçün namizədə 30 dəqiqə vaxt verilir. Hər bir sual 1-5 bal ilə qiymətləndirilir. Ən azı 17 bal toplayan namizəd qiymətləndirmənin I mərhələsini uğurla bitirmiş hesab olunur.

2-ci mərhələ: Praktiki qiymətləndirmə - Bu mərhələdə Qiymətləndirmə komissiyasının 1 ekspertinin rəhbərliyi ilə namizədin gəzintidə, avtobus, tur gəzintisi və ya qapalı məkan gəzintisində (muzey, qalereya və s.) bələdçilik texnikası yoxlanılır. Gəzinti turu üzrə namizədə 15 dəqiqə, avtobus turu zamanı 10 dəqiqə, qapalı məkan turu zamanı isə 15 dəqiqə vaxt verilir. Qiymətləndirmə tura rəhbərlik edən Komissiya üzvü tərəfindən 1-5 bal ilə qiymətləndirilir. Ən azı 48 bal toplayan namizəd qiymətləndirmənin II mərhələsini uğurla bitirmiş hesab olunur.

Hər iki mərhələni uğurla keçən namizədə Azərbaycan Turizm Bürosunun Turizm bələdçilərinin sertifikatlaşdırılması orqanı tərəfindən turizm bələdçisi vəsiqəsi (sertifikatı) təqdim edilir.

UĞURLAR...

müraciət forması

tez-tez verilən suallar

Ödəniş ƏDV daxil 600 AZN təşkil edir.
Qiymətləndirmə prosesindən uğurla keçən bələdçilərə 14 iş günü ərzində turizm bələdçisi vəsiqəsi (sertifikatı) təqdim edilir.
3 il.
14 iş günü ərzində elektron poçt və ya telefon vasitəsilə xəbər ediləcək.
5 iş günü ərzində.
Bəli, edə bilərsiniz.

Əgər hər hansı sualınız və ya şikayətiniz varsa, aşağıdakı düyməni klikləyib bizə bildirin .

sual vermək