Rusiya
ölkə profili
Rusiya
ölkə profili
Rusiya Azərbaycanın turizm sektoru üçün əsas hədəf bazardır və onun əhəmiyyəti pandemiya dövründən sonra turistlərin sayının artması ilə izah olunur.
Azərbaycan üçün əhəmiyyəti
Azərbaycan rus turistlərin MDB məkanında ən çox üz tutduqları destinasiyalardan biridir. 2023-cü ildə Azərbaycan rus turistlərin MDB ölkələri arasında səfər etdiyi ilk 5 ölkə sırasında yer alıb. Azərbaycanın tarix və mədəniyyəti, təbiəti, qonaqpərvərliyi, mətbəxi, müasirliklə qədimliyin yaratdığı vəhdət rus ziyarətçilər tərəfindən yüksək qiymətləndirilir. Rus turistlər Moskva, Sankt-Peterburq, Soçi, Novosibirsk, Yekaterinburq, Kazan, Qroznı, Volqoqrad, Jukovski, Mahaçqala, Samara, Çelyabinsk, Ufa, Krasnoyarsk, Tümen, Surqut, Mineralnıye Vodı, Həştərxan, Perm, Saratovdan birbaşa Bakı, Gəncə və Lənkərana uçmaq imkanına malikdir.
2024-2025-ci illər üzrə bayram günləri
29 dekabr -12 yanvar - Yeni il
23 fevral - Vətən Müdafiəçiləri Günü
8 mart - Beynəlxalq Qadınlar Günü
1 may - Bahar və Əmək Bayramı
5 may - Pasxa bayramı
9 may - Qələbə günü
12 iyun - Rusiya Günü
4 noyabr – Milli Birlik Günü
Əsas tətil dövrləri
1 iyun-31 avqust - Yay tətili
30 dekabr-10 yanvar - Qış tətili/Yeni il bayramı
28 oktyabr-5 noyabr - Payız tətili
23-31 mart – Yaz tətili
1-12 may - May tətilləri (1 və 9 may tətil günlərinə görə birləşdirilir)
Rus turistlər
İnformasiya mənbələri: İnternet, dost-tanış tövsiyəsi, video materiallar, jurnallar, televiziya proqramları, sosial şəbəkə.
Yüksək onlayn istifadə: Telegram və WhatsApp yüksək rouminq ödənişləri səbəbindən tətil zamanı əsas kommunikasiya platformalarıdır. Onlayn proqramlar, sosial şəbəkələrdən asılılıq göstəricisi yüksəkdir.
Səyahət qərarlarının qəbulu: Rezervasiyalarının 80% -i son anda həyata keçirilir. Yalnız ailəsi ilə səyahət edən turistlər səfərlərini əvvəlcədən planlaşdırır.
Nəqliyyat vasitələri: Rus turistlər əsasən təyyarə ilə səyahət edir (92%).
Əsas tətil maraqları: Çimərlik tətilləri, şəhər tətilləri, ailə/uşaq kurortları, sağlamlıq və müalicə, idman tədbirləri.
Fəaliyyətlər: Görməli yerləri gəzmək, çimərlikdə asudə vaxt keçirmək, restoran və klublara getmək, alış-veriş etmək.
Destinasiya seçimində üstünlüklər: mülayim hava, çimərliklər, vizasız rejim, dil maneəsinin olmaması, qonaqpərvərlik, qastronomiya, memarlıq, geniş çeşiddə 4-5 ulduzlu hotellər (gənclər isə internet vasitəsilə mənzil kirayələməyə üstünlük verirlər).
Ən çox ziyarət edilən yerlər: Bakı, Abşeron, Şəki, Quba, Qusar, Lənkəran, Qəbələ və Naftalan.
2024-2025-ci illər üçün Marketinq Strategiyası
Rusiya bazarı üçün marketinq strategiyası coğrafi faktorlar, eləcə də yüksək və orta səviyyəli səyahətçi seqmentləri nəzərə alınaraq həyata keçiriləcək. Marketinq strategiyasına bazarın əsas oyunçuları ilə tərəfdaşlıq, spesifik seqmentlərə yönələn marketinq kampaniyaları, onlayn media və çap materiallarında işıqlandırma, tanışlıq səfərlərinin təşkili, Rusiyada beynəlxalq turizm sərgilərində və yol şoularında iştirak daxildir. Həmçinin Moskva şəhərində nümayəndəliyin açılması planlaşdırılır.
- Yüksək səviyyəli seqmentlər üçün Moskva və Sankt-Peterburq kimi böyük şəhərlərdən Bakıya və regionlara qısa səfərlər/həftəsonu səfərləri təşkil ediləcək;
- Orta səviyyəli seqment üçün Yekaterinburq, Kazan, Samara, Novosibirsk, Krasnodar kimi ikinci dərəcəli şəhərlərdən Bakıya və regionlara uzunmüddətli səyahətlər təşviq ediləcək;
- Destinasiyanın MICE potensialı müvafiq marketinq kanalları vasitəsilə təbliğ ediləcək.
Məhsul / Bazar / Miks
Ortalama səyahət müddəti 7 gündür. Xüsusilə həftəsonları yaxın istiqamətlərə edilən qısamüddətli səfərlər gərgin iş rejimindən uzaqlaşmaq üçün tez-tez müşahidə olunur. Günəş və dənizin olması yerli əhali üçün prioritetdir, onlar müxtəlif istirahət və qastronomiya təklifləri, habelə tarixi yerlərə ekskursiya və alış-veriş imkanları olan istiqamətlərə üstünlük verirlər. Həmçinin sağlamlıq müalicəsi və idman tədbirlərində iştirak məqsədilə səyahətə də xüsusi maraq göstərirlər.
Statistika
2017 |
2018 |
2019 |
2020 |
2021 |
2022 |
2023 |
Yekun |
Yekun |
Yekun |
Yekun |
Yekun |
Yekun |
Yekun |
853,082 |
878,391 |
932,198 |
225,214 |
257,959 |
446,831 |
625,106 |
Əlaqədar şəxs:
Rusiya və MDB regionu üzrə menecer
Nuray Əhmədov