Rusiya

Bazarla bağlı xüsusi məlumat 

 

Azərbaycan üçün əhəmiyyəti 

Rusiya Azərbaycan turizm sektorunun əsas hədəf bazarlarından biridir və pandemiyadan sonra qonaq sayının artması ilə əhəmiyyəti daha da artır. 2025-ci ildə Rusiya turistlərinin MDB ölkələri arasında ən çox ziyarət etdiyi ilk 5 ölkədən biri Azərbaycan olmuşdur. Rusiyalı turistlər Azərbaycanın tarixi, mədəniyyəti, təbiəti, qonaqpərvərliyi, mətbəxi, şərabçılıq, xizək və sağlamlıqla bağlı imkanlarını, həmçinin müasir görünüşünü və qədim ruhunu yüksək qiymətləndirirlər. 

 
Əsas tətil günləri 

• Yay tətili – 01.06-31.08 

• Payız tətili – 28.10-05.11 

• Qış tətili/Yeni il bayramı – 30.12-12.01 

• Yaz tətili –  22.02-01.03, 05.04 -13.04,12.04-19.04 (tədris təqviminə əsasən)  

• May bayramı (Ruslar 1 və 9 may tarixlərində ardıcıl gələn bayramları tətil məqsədilə birləşdirirlər) – 01.05-11.05 

  

Turist Məlumatı 
  

Turist profili 

Rusiyadan gələn turistlərin çoxunun yaş ortalaması 39-dur. Səyahət edənlərin böyük hissəsi, yəni 64%-i 30-50 yaş aralığında olub. 

 
İstirahət növləri: 

• Yay və çimərlik tətili:  Rusiyalı turistlərin əsas səyahət istiqamətləri sırasında Türkiyə, BƏƏ, Tayland, Gürcüstan (xüsusilə Abxaziya bölgəsi) və Misir üstünlük təşkil edir. Bu ölkələrdən sonra Vyetnam, Maldiv adaları və Şri-Lanka gəlir.  

• Şəhər turları: Həftəsonu turları və ya Bakıdan keçid uçuşları zamanı dayanacaq kimi istifadə edilən şəhər turları. 8–24 saatlıq tranzit zamanı sərnişinlər aviaşirkət tərəfindən əvvəlcədən təsdiqlənmiş bron əsasında pulsuz hotellə təmin olunur. 

• Mədəni tətil: Muzeylər, tarixi abidələr və görməli yerlərə yüksək maraq. 

• Macəra və idman tətili: Xizək sürmə, skuba-dayvinq, gəzinti, qolf,  velosiped sürmə kimi fəaliyyətlər əsas səbəblərdən biridir. 

• Qastronomik turlar: Yemək və şərab turlarına artan maraq. 

• Sağlamlıq və tibbi turizm: Tibbi prosedurlar və spa müalicələrinə xüsusi maraq. Yüksək təbəqə müştəriləri detoks və çəki itirmə proqramları axtarır. 

• Tədbirlər və festival: Musiqi festivallarına, Formula 1, UFC  (xüsusilə Avropa İttifaqı və ABŞ-dan gələn müğənnilər və qruplar üçün), idman tədbirlərinə və s. yüksək maraq. 

Son sorğunun nəticələrinə əsasən, səyahət edənlərin 50%-i ailə və uşaqlarla, 26%-i cütlük olaraq, 14%-i isə tək səyahət etməyə üstünlük verir. Respondentlər arasında ən populyar istiqamətlər dənizkənarı kurortlar (64%) olub, bunu dağ turları (13%), tarixi məkanlar (11%) və avtomobil səyahətləri (7%) izləyir. 

Üstünlüklər 

• Rus dilinin üstünlüyü: Ruslar, rus dilinin geniş yayılmış olduğu istiqamətləri daha çox seçirlər, 60 yaşdan yuxarı olan əksər müştərilər isə xarici dilləri bilmir. 

• Xizək yamacları və çimərliklər: Qış xizək turistləri üçün yaxşı xizək yamacları və yayda istirahət üçün yaxşı çimərliklər. 

• Yay aylarında ailəvi istirahət zamanı rusiyalı turistlər adətən “hər şey daxil” konsepsiyasını seçirlər. 

• Nağdsız ödənişlər: Cari sanksiyalar səbəbindən ruslar yerli ödəniş sistemlərindən istifadə edir və bu sistemlərin tətbiq olunduğu istiqamətləri üstün tuturlar.  Beynəlxalq ödəniş imkanlarının məhdudluğu səbəbilə rusiyalı turistlər səfərlərini daha çox turizm agentlikləri ilə planlaşdırırlar. Rusiya banklarının MIR kartları ilə ödəniş etmək əsasən Türkiyə və İranın turistik bölgələrində mümkündür (Türkiyədə QR kod vasitəsilə, İranda isə birbaşa kartla). 

• Ətraflı planlanlama: Onlayn səyahət agentliklərindən, sosial mediadan və ağızdan-ağıza məlumatlardan geniş şəkildə istifadə edərək araşdırma aparmaq. 

 
Ortalama xərcləmə 

2025-ci ildə Rusiya turistləri xarici tətilə hər biri üçün orta hesabla 2,300 ABŞ dolları xərcləyiblər. 

 
Səyahət edən əsas kütlə: 

• Ailələr 

• Böyüklər 

• Cütlüklər 

• Dostlar qrup halında 

 
Məlumat mənbəyi 

• Sosial media (VKontakte, Telegram) 

• Dost tövsiyələri (şifahi məlumat) 

• Turizm agentlikləri və tur operatorları 

• Onlayn səyahət agentlikləri (OTA) və aqreqator platformaları (məsələn: Ostrovok, Yandex Puteshestvie, Ozon Travel, Aviasales, OneTwoTrip) 

• Jurnallar (çap olunmuş və onlayn) 

• Televiziya proqramları/ Radio 

 
Planlama və səyahətlə bağlı qərarvermə müddəti 

Cari qeyri-sabit vəziyyətlər səbəbindən rusiyalı turistlər tətil planlarını gec edirlər. İş rutinindən uzaqlaşmaq üçün yaxın məsafəli yerlərə, xüsusilə həftəsonları/qısa müddətli turlara da tələbat artmaqdadır. Turizm agentlikləri vasitəsilə səyahət edən rusiyalı turistlər, adətən səyahətə 2–3 ay qalmış tur paketlərini alırlar. 

 
Alış-veriş vasitələri 

• Turizm agentlikləri (oflayn sifarişlər) 

• OTA və aqreqator platformaları (onlayn bronlar) 

• Hotel və digər xidmət göstərən provayderlərlə birbaşa bronlar 

 
Paylama sistemi 

• OTA və aqreqator platformaları:   Ostrovok, Yandex Puteshestvie, Ozon Travel, MTS Travel, Tutu, OneTwoTrip.  

• Tur operatorlar (Azərbaycan üçün keçərli olanlar): 

• Kütləvi turizm bazarı:  FUN&SUN, PAC Group, Space Travel, Russian Express, ICS, Evroport və digərləri 

• FIT (Fərdi turizm): Jet Travel, Panteon, Vand, Sodis, Karlson Tourism, PAKS və digərləri 
     

Xüsusi turizm sahələri 

• Xüsusi tur operatorları (aktiv idman növləri, şərab, qolf, biznes yönümlü turizm) 

 
Səyahət müddəti 

2025-ci ildə Rusiyalı turistlərin əsas tətilinin orta müddəti təxminən 7 gün olmuşdur. 

 
Səyahət ticarət məlumatı 

 
Əsas tur operatorlarının siyahısı (getmə turizmi): 

1. Anex Tour 

2. Pegas Touristik 

3. FUN&SUN  

4. « Biblio Globus» 

5. Coral Travel + Sunmar 

6. My Agent 

7. Tez Tour 

8. Intourist 

9. ICS Travel Group 

10. Dolphin   

Birbaşa uçuşlar 

 
Bazarda əsas tədbirlər 

• Hər ilin mart ayında Moscow International Travel & Tourism Exhibition (MITT)  

• Hər ilin sentyabr ayında Otdykh Leisure  

• Hər ilin sentyabr/ fevral aylarında Luxury Travel Market (LTM)  

• MICE Excellence 

• Forum “Puteshestvyi” 

ATB tədbirləri 

  

Azərbaycanda rusiyalı turistləri: Əsas statistikalar və anlayışlar 

 
Gəlişlər 

2025-ci ildə Azərbaycana gələn rus turistlərin sayı 489,000 nəfər olmuşdur ki, bu da 2024-cü ildəki 600,000 nəfərlə müqayisədə 19% azalma deməkdir. Bu azalma turist axınındakı dəyişikliklər və ümumi bazar tendensiyaları ilə izah olunur.

Mənbə: Dövlət Miqrasiya Xidməti 

Statistika 

  

Səfərin məqsədi

Azərbaycana səfər edən rus turistlərin 50%-i istirahət və əyləncə, 23%-i qohum və dost ziyarəti, 22%-i işgüzar məqsədlərlə, 5%-i isə tibbi müalicə və tranzit məqsədilə səyahət edir.

Orta xərclər

Rus turistlər Azərbaycanda orta hesabla 1,759.53 AZN xərcləyir. Büdcənin 46%-i nəqliyyata, 18%-i qidaya, 21%-i yerləşməyə, 11%-i alış-verişə, 3%-i isə idman və əyləncəyə sərf olunur. Rus turistlər ən çox xərcləyən ilk 10 turist qrupu arasındadır (ilk 5-likdə Çin, ABŞ, Almaniya, Böyük Britaniya və Fransa yer alır).

Qalma müddəti

Rus turistlərin 41%-i Azərbaycanda 1–3 gecə, 38%-i 4–7 gecə, 12%-i isə 8–12 gecə qalır.

Populyar regionlar

Rus turistlərin Azərbaycanda ən çox ziyarət etdiyi bölgələr Bakı, Quba, Qusar, Xaçmaz və Naftalandır.

 
Turist üstünlükləri və maraqları 

Azərbaycana səfər edən rusiyalı turistlər, memarlıq abidələri, təbiət turizmi, mətbəx zövqləri və şərab, festivallar və tədbirlər daxil olmaqla müxtəlif mədəni və tarixi təcrübələrə güclü maraq göstərirlər. 

Azərbaycanın Rusiya bazarı ilə əlaqəli məhsulları "Hər kəsə uyğun" – ilk dəfə ziyarət edən hər bir turistin görməli və ya təcrübə etməli olduğu məhsullar, "Yenidən bax" – uzunmüddətli və ya təkrarlanan ziyarətlərdə görülə və ya təcrübə edilə bilən məhsullar və "Xüsusi uyğunlaşdırılmış" – bazara xüsusilə uyğun hesab olunan məhsullar olaraq qruplaşdırıla bilər. 

	Hər kəsə uyğun	Yenidən bax	Xüsusi uyğunlaşdırılmış
Abidələr və tarixi binalar	Bakının qədim binaları  Şirvanşahlar sarayı  Atəşgah məbədi  Qobustan qoruğu  Palçıq vulkanları  Yanardağ qoruğu  Xınalıq qoruğu  Şəki Xan sarayı
Muzeylər və qalereyalar	Heydər Əliyev Mərkəzi  Xalça muzeyi  Əli Şəmsi studiyası  Miniatür kitab muzeyi	Milli Azərbaycan Tarixi Muzeyi  Müasir İncəsənət Muzeyi  Şamaxı Astrofizika Rəsədxanası
Tibbi turizm	Naftalan  Lənkəran  Qalaaltı  Qəbələ (Chenot Palace)		Duzdağ
Festivallar və tədbir turizmi	Formula 1  Konsertlər  İdman növləri		Dream Fest
Mədəni və kulinariya təcrübələri	Yerli bazarlar  Kulinariya mərkəzləri  Şəkidə paxlava mağazaları  Lənkəran Sitrus Vadisi  Qara kürü istehsal edən zavodlara ekskursiya  Gurmə turları (Şimal-Qərb Regionlarında Slow Food daxil olmaqla)  Meysəri, Savalan, Çabiant və Xan Şərabxanasına turlar	Nic kəndi (Udi / Qafqaz Albaniyası)  Basqal kəndi (milli irs)  Sim kəndi (Talış)  İvanovka kəndi (rus molokanları)  Qırmızı Qəsəbə (dağ yəhudiləri)
İdman	Xəzər dənizində su idman növləri	Xizək fəaliyyətləri  Ziplayn  Roller koster

Rusiyalı turistlər Azərbaycanda etnik və kənd turizmi və həmçinin quş müşahidəsi fəaliyyətlərinə daha az maraq göstərirlər. 

 
Əlavə məlumat 
  

Rusiyanın xarici turizm proqnozu 

Rosstat-ın məlumatına görə, Rusiyanın outbound turizm bazarı 2025-ci ildə təxminən 30 milyon turistə çatacaq ki, bu da 2024-cü illə müqayisədə 2.5–3 milyon nəfər çoxdur. Bu tendensiya davam edərsə, 2026-cı ildə əlavə olaraq 2–2.5 milyon artım proqnozlaşdırılır.

Rusiyalı səyahətçilərin maraq dairəsinin Asiya ölkələrinə, o cümlədən tədbir əsaslı turizm üçün daha çox yönələcəyi gözlənilir. Standart olmayan səyahət növlərinə olan maraq da artmaqdadır. Məsələn, karvan turizmi və ya RV (rekreasiya nəqliyyat vasitəsi) səyahət növünə maraq artsa da, digər ölkələrlə müqayisədə göstəricilər hələ də aşağıdır. 

 
Rusiya bazarında yer almaq üçün ən yaxşı məsləhətlər 

• Böyük şəhərlərdən, məsələn, Moskva və Sankt-Peterburqdan gələn yüksək səviyyəli turistlər üçün Bakıya və bölgə şəhərlərinə qısa şəhər turları / həftəsonu turları təklif olunur. Bu şəhərlərdə yerləşən aparıcı tur operatorları ilə əməkdaşlıq daha məqsədəuyğundur. 

• Ekaterinburq, Kazan, Samara, Novosibirsk, Krasnodar və digər şəhərlər kimi ikinci dərəcəli şəhərlərdən orta səviyyəli turistlər üçün Bakıya və bölgə şəhərlərinə uzunmüddətli turlar təklif olunur. Regional şəhərlərdəki turizm agentlikləri ilə əməkdaşlıq daha məqsədəuyğundur. 

• Rusiya bazarına yönəlik marketinq strategiyasını həyata keçirmək üçün coğrafi fokusla hədəflənmiş yüksək və orta səviyyəli səyahətçilərə diqqət yetirmək olar. 

• Yay mövsümü üçün ən yaxşı rezervasiya vaxtı mart ayından, qış mövsümü üçün sentyabr ayından başlanır. 

• Hazırda Bakı, Avropaya səyahət edən rus turistlər üçün bir tranzit nöqtəsi olaraq qəbul edilir. Bakıdakı tranzit müddəti 2-3 gün təşkil edir. 

• MICE turizmi üzrə imkanların tanıdılması üçün hədəf marketinq platformaları və digər rəqib istiqamətlərdə tətbiq olunan “kick-back” tipli təşviq mexanizmlərindən istifadə tövsiyə olunur.